In ponta de piè ó volést
che te me desse an baso instés,
stampà su i nostri laver rosa
par parar via tuta quela brosa
e al fret che l’an pasà te me ‘vea tacà
a star mamì, malamente condanà:
doi parole sul senso de l’amar
conzade su da tut al to mal star.
‘Na storia che se à rendest, sfinida
de ciacole e, pian pian, ‘pasida
come an garnel de sabia consumà
dal tem corest co te me à lasà.
Te ó catà an dì, par caso, al mercà
e me son sentì ‘n altra olta fulminà:
no ó sentì pì dolor e quel magón
che me à compagna par ‘na staion,
tant che avon ciacolà e discorest,
riempì in poco temp an zest
de lagreme, spin e toc de cor
par far creser de novo an fior.
Se son s-ciaridi e de novo sbrazadi,
strucadi e ‘na s-cianta intorcoladi,
basadi la pèl co’ anca cin de sest
e tornar a svodar in pressa quel zest.
Fabio Bristot – Rufus
