Mamma, mamma,
incoi son mort su ‘l laoro:
se à crepà an toc de fer dal cuert
e a me a vert fora tut al zervèl.
Papà, papà,
incoi son mort sul ‘l laoro:
se à ingropà al fil de la cadena
e me à sbregà al fil de la schena.
Mamma, mamma,
incoi son mort su ‘l laoro:
se a sfondà ‘na tola sul trabatèl
e son cascà do in tera tut vèrt.
Papà, papà,
incoi son mort sul ‘l laoro:
se à sfaldà a mur, alt, de piera
e al me à vert la panza intiera.
Mamma, mamma,
incoi son mort su ‘l laoro:
se à svidà an tubo de ioio in presion
e me son catà tut soboì da le ustion.
Papà, papà,
incoi son mort sul ‘l laoro:
se à rot an silos pien de gas
e al me à sofegà su tut al nas.
Mamma e papà,
fermé la strage de ‘sti fradei
copadi tuti su i ani pì bei,
senza tornar a casa gnanca ‘sta sera…
… resta par noi sol che ‘na preghiera.
Fabio Bristot – Rufus
