Anca mi voi ‘na cuna
ma no ó avest ancora ‘sta fortuna.
Anca mi voi ‘na cuna
par far dormir me fiol al Sol,
o, me fia, la Luna.
Ói proprio ‘na pupeta da amar
ma son stata fata tuta mal.
Ói proprio ‘n pupet da amar
ma no ghen’ò gnanca un da slevar.
Ói proprio alatar al me pupet
ma me son catada ma mi sul lèt.
Ói proprio alatar la me pupeta
ma l’é proprio ‘na sort maledeta.
Son sol che mi senza fioi
e ogni dì varde impachetadi ‘sti ninzioi.
Son sol che mi senza fioi
e i me domanda col soriso se ghen voi.
Parchè oè avest ‘sto dispiazer?
Parche no son mare, par piazer?
Parchè me despere in zerca de ‘n fiol
E l’é in giro tanti che no li ol?
Parchè me despere in zerca de ‘na fia
E l’é in giro tanti che li stràza via?
Fabio Bristot – Rufus
