Co te à scominzià a meter
su par i oci i to patai,
me son inacort de eser
già vecio e pien de mai.
O tacà a pensar che ‘l temp l’é solà via
come al sol che, la sera, al te assa l’umbria,
e alora vien fora dai mur la maliconia
co i pensieri pì bei i é scampadi via:
la te ciapa e strende malamente al cor
e la te lo sfreda del tut al so calor.
Me pense alora co te dughea sul let
co i to cavei cenesti asieme da ‘n fazolet.
Te ridea come che te fuse an simiot
co te fea sghibiez co i to pupot.
Te era davero la pi bela, disaria an splendor,
con te portea a spaso la to figura con amor.
Fia mea, te se cresesta tuta de ‘n fià,
come an bociolo crù in medo an prà.
No son stat sempre bon de iutarte,
ma ogni fior l’à da catar mael la so arte.
Ades, me gnest in mente co te o dita
che te stea tuta nel me cor:
te me a vardà an cin impaurida
senza capir de quele parole al saor:
te me à vardà, te à pensà su na s-cianta,
fin a s-ciopàr a rider con an gran soriso
che tegnaró a mente, lassù, in Paradiso.
Rufus
