Me veniest al magòn
a vardar par television
sta umanità sfinida de pasion:
quei braz così strussi e longhi
da sembrar maneghi de fonghi.
quei oci veladi e medi seradi
che sogna da sempre desperadi;
quela pèl straca e priza
qhe la vien via co i à spiza;
quei laver suti come ‘l coran
parché no i magna da medo an;
quei moscat che li tavana su le broie
medegade e cuerte sol che co le foie.
Me veniest al magòn
a vardar par television
‘sta umanità sfinida de pasion:
boce che mor par l’arsura
senza poder salvarse da quela calura;
boce che more par an teren tut sech
che fa naser e fiorir sol che stech;
boce che mor de miseria e da fan
che li stermina tuti pian pian;
boce che mor par an colpo te tos
sofegando sul col l’unica vos;
boce che mor dentro ‘na cuna
fata de lenc e poca fortuna;
boce che mor co in man an s-ciop
pensando magari che sia an pupot;
boce che mor par meio catar,
rebaltadi presto in medo al mar.
Me veniest al magòn
a vardar par television
sta umanità sfinida de pasion:
crepar senza poder gnanca pregar
o, a la fin, no poder gnanca siracar.
