An anima scusida da la pél
le quela de quel om ‘ndat a morir maél.
An òm desperà che no avea pi fià
par poder combater tut e tuti fin a qua.
No ‘l’avea speranza de rivar a matina
parchè al so cor sto tant ‘l à combinà.
Prima al se avea segnà co le man
pò salt ‘tel vodo, longo e lontan.
Al se avea tut scavezà la schena
libero però ades da ogni cadena.
Òm desementegà in pressa da la dent
e da quela che no avea in lu credest.
‘Na femena e al so amor
crepà come an manego de ‘n fior.
La so anima ades la camina su quel troi
che prima no avea avest posto par doi.
Speron che la rive in zima a polsar
e tanarse bonora par tut quel malstar.
Fabio Bristot – Rufus
