Se vede proprio da lontan
che no la se à mai usà
a carezar la pèl, quela man.
An cor come al coran
portà indos e mal mostrà
che, a la fin, al ghe à fat dan.
No ‘l proa nisuna empatia
e, co al se avizina a qualchedun,
quasi tuti ghe scampa via.
L’à da eser proprio brut
viver cosita, seradi su
e co ‘n animo così sut.
Tacadi forte a la moneda
senza eserse inacorti
che, a la fin, le sol che leda.
Preferise, alora, restar poaret
tacà a la me bona sort
e viver e star sul stret.
Gennaio 2023
