LE BOMBE E LA PACE
Na bomba co la casca no l’à a oci e no l’à cor,
difati, la casca su femene e omeni dove che la ol!
Ma credeme, no serve par salvarse dir su oration,
ma coltivar ogni dì la pace co la pasion.
La pace co i amighi, in fameia e su ‘l laoro
zerconla sempre come che fuse oro.
No le schei che conta a la fin,
ma saver che avon ancora an fil,
quel de la speranza de arivar a doman
senza aver tanti mort da contar co le man.
Fabio Bristot – Rufus
LE CROS o BUCHA
Daghe subito ‘na cros
anca a quei che no te conos.
Regaleghe e pianteghe an bel fior
anca se no l stea da la parte giusta del cor.
A la fin, morir, le par tuti an dolor
anca se al sciop l’avea n’altro color.
Le femene le piande a la stesa maniera
anca se le é e sot n’altra bandiera.
Cente a mente che sot tera sion tuti fradei,
ma se sion inacorti masa tardivi,
ormai agri e ben incatividi.
Ades la vittoria le na piana de cros
co i nomi scriti sol che de ros.
Le lacrime le biana la tera movesta
e pentirse no serve par quei che resta.
Fabio Bristot – Rufus
