LE BOMBE E LA PACE

Na bomba co la casca no la a oci e no la cor,

difati, la casca su femene e omeni dove che la ol!

Ma credeme, no serve par salvarse dir su oration

ma coltivar ogni dì la pace co la pasion

La pace co i amighi, in fameia e sul laoro 

zerconla sempre come che fuse oro. 

No le schei che conta a la fin,

ma saver che avon ancora an fil,

quel de la speranza de arivar a doman

senza aver tanti mort da contar co le man.

(Rufus – Marzo 2022)

LE CROS o BUCHA

Daghe subito na cros

anca a quei che no te conos.

Regaleghe e pianteghe an bel fior 

anca se no l stea da la parte giusta del cor.

A la fin morir le par tuti an dolor

anca se al sciop l’avea n’altro color.

Le femene le piande a la stesa maniera

anca se le e sot n’altra bandiera.

Cente a mente che sot tera sion tuti fradei,

ma se sion inacorti masa tardivi 

ormai agri e ben incatividi.

Ades la vittoria le na piana de cros 

co i nomi scriti sol che de ros. 

Le lacrime le biana la tera movesta

e pentirse no serve par quei che resta.

(Rufus – Aprile 2022)